Банктер қабылдайтын кепілдегі мүлікті және қарыз алушының өмірін сақтандыру полистері. Сақтандыру компанияларын ресми шарттары бойынша салыстыру.
Ережелер мен шарттар туралы қысқаша — нормаларға және біздің талдауларымызға сілтемелермен.
Жоқ. Егер қарыз шарттары кепілді сақтандыруды немесе бағалауды талап етсе, банк қарыз алушыны сақтандыру компаниясы мен бағалаушыны таңдауда шектеуге құқылы емес («Қазақстан Республикасындағы банктер және банк қызметі туралы» № 258-VIII Заң, 57-баптың 3-тармағы). Бірнеше сақтандыру компаниясының тарифтерін салыстырып, тиімдірек компанияның полисін әкелуге болады.
Жоқ. Жеке тұлғаға қарыз беруді оның өмірін немесе денсаулығын сақтандыратын-сақтандырмайтынына байланысты қоюға болмайды («Қазақстан Республикасындағы банктер және банк қызметі туралы» Заң, 58-баптың 24-тармағы) — мұндай сақтандыру тек ерікті. Кепілдегі пәтердің өзін сақтандыру — басқа мәселе: оны қарыз шарты талап етуі мүмкін.
Егер кепілді сақтандыру шартта көзделсе, ал пәтер Сізде қалса, оны Сіз сақтандырасыз. Сақтандыру жағдайы болғанда төлемге бірінші кезекте банктің құқығы бар; егер төлем қарыздан көп болса, банк айырманы үш банктік күн ішінде Сізге аударуға міндетті (Азаматтық кодекс, 306-бап).
Қарыз толық өтелгеннен кейін үш жұмыс күні ішінде банк қарызбен байланысты сақтандыру шартын бұзуға болатынын Сізге хабарлауға міндетті («Қазақстан Республикасындағы банктер және банк қызметі туралы» Заң, 57-баптың 3-тармағы). Сақтандыру компаниясы өтініштен кейін бес жұмыс күні ішінде сыйлықақыны қайтарады — полис қолданылған уақытқа тиесілі бөлігін және сыйлықақының 10%-ынан аспайтын шартты бұзу шығыстарын шегеріп (Азаматтық кодекс, 842-баптың 2-тармағы).
Банк қарыз бойынша мөлшерлемені немесе комиссияны қайта қарауға құқылы, бірақ жаңа мөлшерлеме қарыз берілген күні дәл сол қарызға сақтандырусыз қолданылған мөлшерлемеден жоғары бола алмайды (Азаматтық кодекс, 842-баптың 2-тармағы). Сондықтан қол қоймас бұрын банктен екі мөлшерлемені де — сақтандырумен және сақтандырусыз — сұраған жөн.
Сайттағы ақпарат жария оферта болып табылмайды. Шарттар ұйымдардың ресми сайттарынан және ашық дереккөздерден тексерілген күнгі жағдай бойынша алынған және өзгеруі мүмкін; түпкілікті шарттар қаржы ұйымымен жасалатын шартта айқындалады. Подбери кредит бермейді және қаржы ұйымы болып табылмайды. Қаржылық мүмкіндіктеріңізді бағалап, шартты мұқият оқыңыз.